Connect with us

Entertainment

AUDIO! Wuuno ssemaka akubiddwa emiggo 250 lwa mputtu, takyasobola kutuula wabula okunyigiriza waaya ku ttaka

Published

on


Abatuuze bawanjagidde omukulembeze w’eggwanga Yoweri Kaguta Museveni okuyingira mu nsonga zaabwe olw’amaggye agaasindikibwa ku nnyanja okulwanyisa envuba embi, okwenyigira mu kulya enguzi n’okutimpula abantu emiggo.

Abatuuze mu disitulikiti y’e Mayuge ne Jinja bagamba nti amaggye galina akaduukulu ku kizinga kye Namugongo mu disitulikiti y’e Mayuge gye basinzira okutimpula abantu emiggo n’okubagyako ensimbi.

Omuntu yenna singa akwattibwa nga yenyigidde mu nvuba embi agibwako ssente emitwalo 40 ate singa asaangibwa ng’atambuza ebyenyanja ebito, agibwako ssente emitwalo 60 oba okubatimpula emiggo nga tewali bya kubatwala mu kkooti.

Edward Kyambadde, nga mutuuze ku kyalo Wanyange mu kibuga kye Jinja agamba nti yakwattibwa nga 5, July, 2020 bwe yali agenze ku Lake Victoria okuvuba.

Kyambadde agamba nti yatwalibwa amaggye mu kayumba k’essubi gye yasaanga abantu 8 nga bonna balina okuwaayo ssente mu ngeri y’enguzi okubayimbula.

Agamba nti amaggye gayimbula abantu babiri (2) abaali bawaddeyo ssente ate bonna 7 babakuba emiggo 250 buli omu, oluvanyuma ne bayimbulwa nga wayise ennaku 3, nga 9, July, 2020.

Eddoboozi lya Kyambadde


Kyambadde mu kiseera kino anyiga biwundu ku kabina, oluvanyuma lw’emiggo gye baamukuba.

Wakati mu kulukusa amaziga, agamba nti embeera eyamutuusibwako n’okutuusa olunnaku olwaleero, yetaaga buyambi, okugyerabira.

Ate Esteri Mulondo, omutuuze ku kizinga kye Namoni mu disitulikiti y’e Mayuge agamba nti mu May, 2020, yakubiddwa emiggo 100 ate nga famire ye, ewaddeyo ssente emitwalo 25.

Mulondo agamba nti bamugyamu engoye ne bamukuba emiggo mu maaso g’abasajja.

Christopher Mbode, omu ku bakulembeze ku kizinga kye Bwonda mu disitulikiti y’e Mayuge, agamba nti omwaka oguwedde ogwa 2019 abantu 4 baafa nga besudde mu nnyanja olw’okutya okukwattibwa amaggye.

Ku nsonga ezo, Ronald Akandwanaho addumira Poliisi erwanyisa envuba embi mu disitulikiti ye Jinja ne Mayuge asuubiza abatuuze okunoonyereza ku bigambibwa nti abamaggye, benyigidde mu kutimpula abantu emiggo n’okwenyigira mu kulya enguzzi.

Wabula Kinnajjukirwa nti Mukulu Museveni mu kwogerako eri eggwanga sabiti ewedde, yalangirira okulwanyisa abantu bonna abenyigidde mu nvuba embi, nti bakoze kyamaanyi okufiiriza eggwanga obukadde bwa ssente.

Museveni agamba nti olw’amaggye okusindikibwa ku nnyanja, ebyenyanja byeyongedde obungi, ekigenda okuwa eggwanga Biriyoni za ssente.



Source – www.galaxyfm.co.ug

Click to comment

Leave a Reply

Your email address will not be published. Required fields are marked *

Entertainment

BAMBI! Obunkenke e Garuga, essundiro ly’amafuta erya Moka likutte omuliro

Published

on

By


Poliisi etandiise okunoonyereza ekivudde omuliro ku Ssundiro ly’amafuta erya Moka e Kitala ku luguudo lwe Garuga.
Omu ku bakozi ku Moka agambye nti omuliro gutandiise ku ssaawa nga 12 ez’akawungeezi era agamba nti omu ku mukozi munaabwe abadde alina ebidomola byatekamu Petulooli okutwalibwa ku kiziga nga beyambisa emmotoka ekika kya “Canter” era tebategedde kivuddeko omuliro.
Luke Owoyesigyire, amyuka omwogezi wa Poliisi mu Kampala n’emirirwano agambye nti tewali muntu yenna afudde wadde alumiziddwa wabula Poliisi etandiise okunoonyereza ekivuddeko omuliro.

Eddoboozi lya Luke




Source – www.galaxyfm.co.ug

Continue Reading

Entertainment

ESSANYU! Eyali omubaka wa Palamenti Kipoi abadde ku misango gy’okwagala okuwamba Pulezidenti Museveni yejjerezeddwa

Published

on

By


Kkooti y’amaggye e Makindye yejjereza eyali omubaka we Bubulo West mu Palameti Tonny Nsubuga Kipoi ne bannamagye 5 emisango gy’okwagala okuvunika Gavumenti ya Pulezidenti Yoweri Kaguta Museveni.

Kipoi abadde avunaanibwa ne bannamaggye omuli Rogers Mweru, Yunus Lemertga, Ifosiga Saidi Dodla, Cassim Adams Mawa, Sergeant Okeng, James Shimali ne Yusuf Kiisa.

Abalamuzi 7 mu kkooti y’amaggye e Makindye nga bakulembeddwamu Lt General Andrew Gutti bagobye omusango ku bigambibwa nti obujjulizi bwona okuva mu bantu bonna 5, tebumatiza kusingisa Kipoi ne banne omusango.

Oludda oluwaabi lubadde lugamba nti wakati wa 2011 ne 2012 mu bitundu by’eggwanga eby’enjawulo omuli Kampala, Mpigi, Luwero Entebbe, Fort Portal, Mbale, Masaka ne Nakasongola, Kipoi ne banne batuula ne bateese okugyako Gavumenti ya Pulezidenti, ekintu ekimenya amateeka.

Kipoi era abadde ku misango emirala omuli okuba n’ebyokulwanyisa mu ngeri emenya amateeka, okutendeka abayekera mu ggwanga erya Democratic Republic of Congo (DRC) n’emisango emirala.

Emisango gibadde mu kkooti y’amaggye oluvanyuma lw’okukwattibwa mu 2018.



Source – www.galaxyfm.co.ug

Continue Reading

Entertainment

GIWUNYE! Kyaddaki Poliisi ekutte 2 ku muliro gwa Ivory Tower e Makerere, ebyama bizuuse mu nnaku 2

Published

on

By


Poliisi ekutte abantu 2, bagiyambeko mu kunoonyereza ku muliro ogwasanyizaawo Ivory Tower, ekimu ku kizimbe ekikadde, ekibadde ffeesi ku yunivaasite Makerere olunnaku olw’eggulo.

Ivory Tower kubaddeko offiisi ez’enjawulo omuli offiisi y’ebyensimbi, evunaanyizibwa ku bakozi, okubala ebitabo, eby’amawulire ne offiisi endala era Poliisi eri mu kunoonyereza ku kyavuddeko omuliro.

Okusinzira ku mwogezi wa Poliisi mu ggwanga Fred Enanga, abakwattiddwa kuliko omusirikale n’omukuumi mu kitongole ky’obwannanyini ekikuumi.

Enanga agamba nti abakwate, bebalina okuuma ekizimbe kyokka balemeddwa okubaako kye bakola, ekyawadde omukisa omuliro, okusanyawo ekizimbe.

Mu kunoonyereza okusokerwako, kulaga nti omusirikale yabadde atambuddemu ate omukuumi wa Yunivasite e Makerere gwe yaleeta, kiraga nti yabadde yebasse.

Enanga era agamba nti Makerere obutaba na nsibuko y’amazzi, nga balina kugakima ku ssaawa wa Queen, kyawadde omukisa omuliro okusanikira ekizimbe.



Source – www.galaxyfm.co.ug

Continue Reading

Trending